latest

മോർട്ടൺഗ്രോവ് സെ.മേരീസില്‍ പ്രധാന തിരുനാളിന് കൊടിയേറി.

Saju Kannampally  ,  2018-08-12 08:39:59pmm സ്റ്റീഫൻ ചൊള്ളമ്പേൽ (പി.ആർ.ഒ)

മോർട്ടൺഗ്രോവ് സെ.മേരീസില്‍ പ്രധാന തിരുനാളിന് കൊടിയേറി.

ചിക്കാഗോ: മോർട്ടൺഗ്രോവ് സെ.മേരീസ് ദേവാലയത്തിൽ യുവജനങ്ങളുടെ നേതൃത്വത്തിൽ ഓഗസ്റ്റ് 12 മുതൽ 19 വരെ നടത്തപ്പെടുന്ന മാതാവിൻറെ സ്വർഗ്ഗാരോഹണ
തിരുനാളിന് കൊടിയേറി.തിരുന്നാൾ ആഘോഷ ങ്ങളുടെ
പ്രാരംഭ ദിനമായ ഓഗസ്റ്റ് 12-ന് ഞായറാഴ്ച രാവിലെ 10 മണിക്ക് നടന്ന വിശുദ്ധ കുർബാനയിലും തിരുനാളിന് തുടക്കമായ പതാക ഉയർത്തൽ കർമ്മങ്ങളിലും ഇടവക വികാരി റെവ.ഫാദർ തോമസ് മുളവനാൽ മുഖ്യകാർമികത്വം വഹിച്ചു. സഹകാർമികനായിരുന്ന അസി.വികാരി ഫാദർ ബിൻസ് ചേത്തലിൽ വചനസന്ദേശം നടത്തി.വേദനകളെ വേദമാക്കി മാറ്റിയും നിറഞ്ഞ കണ്ണുകളെ തുളുമ്പാതെ സൂക്ഷിച്ചവളുമായിരുന്ന പരിശുദ്ധ അമ്മ, തൻറെ സ്വപ്നങ്ങളും പ്രാർത്ഥനകളും ജീവിതത്തിൽ നിഷേധിച്ചപ്പോൾ ഒരു നിഷേധിയായി മാറാതെ എപ്പോഴും ദൈവഹിതത്തിനു കീഴടങ്ങിയവളുമാണ് പരി. അമ്മയെന്നും ബഹു. ബിൻസ് അച്ഛൻ തൻറെ വചനസന്ദേശത്തിൽ ജനങ്ങളെ ഉദ്ബോധിപ്പിച്ചു.


തൻറെ ജനനം മുതൽ മരണം വരെ കൂടെ കൊണ്ടുനടന്ന യേശുനാഥനെ പോലെ പരി. അമ്മയെ നാം കൂടെ ചേർത്തു പിടിക്കുന്നതിന്റെസൗഭാഗ്യം നാം അനുഭവിച്ചറിയണമെന്നും അദ്ദേഹം തൻറെ വചനസന്ദേശത്തിൽ കൂട്ടിച്ചേർത്തു.
ആദ്യമായിട്ടാണ്
ഇടവകയിലെ പ്രധാന തിരുനാള്‍ യുവജനങ്ങളുടെ നേതൃത്വത്തില്‍ ഏറ്റെടുത്ത് നടത്തുന്നത്. ആഘോഷങ്ങളിൽ മാത്രം
ഒതുങ്ങാതെ വിവിധ കാരുണ്യ പ്രവര്‍ത്തനങ്ങളിൽ
ഏർപ്പെടുന്നതിനുള്ള ഒരുക്കങ്ങളുമായി ട്ടാണ് അവർ ഈ വർഷത്തെ തിരുനാൾ നടത്തിപ്പിനായി തയ്യാറെടുക്കുന്നത്.
തിരുനാളിനായി സമാഹരിച്ച തുകയില്‍
നിന്നും ചിലവുകള്‍ കുറച്ച് കൂടുതല്‍ പണം കേരളത്തിലെ വിവിധ
കാരുണ്യ പ്രവര്‍ത്തന കേന്ദ്രങ്ങള്‍ക്ക് നൽകുക എന്നതാണ് ലക്ഷ്യം. യുവജനങ്ങളുടെ നേതൃത്വത്തിൽ മുതിർന്നവരെയും ഉൾപ്പെടുത്തി 
ഈ വർഷത്തെ
തിരുനാളിനോടനുബന്ധിച്ചുള്ള കൾച്ചറൽ പ്രോഗ്രം ശനിയാഴ്ച വൈകിട്ട് ഏഴുമണിക്ക് നടക്കും.
ആഘോഷമായ തിരുനാൾ റാസ കുർബാന ഞായറാഴ്ച വൈകിട്ട് മൂന്ന് മണിക്ക് ആരംഭിക്കും.
ഒരാഴ്ച നീണ്ടുനിൽക്കുന്ന തിരുനാൾ ആഘോഷങ്ങളിൽ
നടത്തുന്ന ആരാധന കർമ്മങ്ങളുടെ തീയതിയും, സമയംവിവരങ്ങളും
വിവരിച്ചുകൊണ്ടുള്ള വാർത്താപത്രിക ഇതിനോടകം പ്രസിദ്ധീകരിച്ചിട്ടുണ്ട്.

 



Latest

Copyrights@2016.