latest

പൈതൃകം 2018 ക്വിസ് മത്സരം കുര്യാക്കോസ് തോപ്പിൽ ജസ്റ്റിൻ കാട്ടത്ത് ജേതാക്കൾ

Saju Kannampally  ,  2018-10-18 04:18:13pmm ഷിബി പഴയമ്പള്ളിൽ

ഗോൾഡ് കോസ്ററ് :പൈതൃകം 2018 നോടനുബന്ധിച്ച് കഴിഞ്ഞ് ഒരു വർഷമായിട്ട് നടത്തിയ ക്വിസ് മത്സരത്തിന്റെ  ഗ്രാന്റ് ഫിനാലെയിൽ കുര്യാക്കോസ് തോപ്പിൽ ഒന്നാമതെത്തി  ജസ്റ്റിൻ ജോസ് കാട്ടത്തിനാണ് രണ്ടാം സ്‌ഥാനം.കഴിഞ്ഞ 365 ദിവസമായിട്ട് ഓസ്‌ടേലിയയിലെ മുഴുവൻ ക്നാനായ മക്കളെയും  ഉൾപ്പെടുത്തിയ ഒരു വാട്സപ്പ് ഗ്രൂപ്പിലേക്ക് റാന്നി ഇടവകാംഗമായ  കുര്യാക്കോസ് കുരുവിള എല്ലാ ദിവസവും രാവിലെ ആറു മണിക്ക് ക്നാനായ സംബന്ധമായ ചോദ്യങ്ങൾ ചോദിയ്ക്കുകയും  അതിൽ ആദ്യം ഉത്തരം നൽകുന്നവർക്ക് പോയിന്റുകൾ നൽകുകയും അതിൽ നിന്നും ഏറ്റവും കൂടുതൽ പോയിന്റുകൾ കിട്ടിയ അഞ്ചു പേരെ ഉൾപ്പെടുത്തി പൈതൃകം 2018 ന്റെ വേദിയിൽ വച്ച് ഗ്രാന്റ് ഫിനാലെ നടത്തുകയും ഉണ്ടായി .ഗ്രാന്റ് ഫിനാലെയിൽ കുര്യാക്കോസ്  തോപ്പിലും  ജസ്റ്റിൻ ജോസും സമനിലയിലെത്തുകയും തുടർന്ന് നടന്ന സഡൻ ഡെത്തിലൂടെ കുര്യാക്കോസ് തോപ്പിൽ  ഒന്നാമതെത്തുകയും ജസ്റ്റിൻ ജോസ് കാട്ടാത്ത് രണ്ടാം സ്‌ഥാനം കരസ്‌ഥമാക്കുകയും ചെയ്തു .പൈതൃകം 2018 സംഘടിപ്പിച്ച ഈ ക്വിസ് മത്സരം ക്നാനായ സമുദായ ചരിത്ര പഠനത്തിന് മാതൃകയാവുകയും മറ്റ് അസോസിയേഷനുകൾക്ക് മാതൃകയാക്കാവുന്നതുമാണ് .

കുര്യാക്കോസ് തോപ്പിൽ

ക്വിസ് മത്സരത്തിൽ ഒന്നാമത് എത്തിയ  കുര്യാക്കോസ് തോപ്പിൽ അഭിവന്ദ്യ തോപ്പിൽ പിതാവിന്റെ സഹോദര പുത്രനാണ്. അറുന്നൂറ്റിമംഗലം  സെന്റ് ജോസഫ് ക്നാനായ കാത്തലിക്  ഇടവകാംഗമാണ് . ഇപ്പോൾ ടൗൺസ്‌വില്ലിലെ ക്നാനായ കത്തോലിക്കാ അസോസിയേഷനിലെ മെമ്പറാണ് .ഹോട്ടൽ മാനേജ്മന്റ് ബിരുദധാരിയായ കുര്യക്കോസ് ടൗൺസിവിൽ ഹോസ്പിറ്റലിലെ ഫുഡ് സർവീസിൽ വർക്ക് ചെയ്യുന്നു .ഭാര്യ സ്സ്റ്റെനി കുര്യാക്കോസ് മാറിക കുറ്റിക്കാട്ടുകരയിൽ കുടുബാംഗമാണ് മൂന്ന് കുട്ടികൾ മെൽബറോസ് ,ഇസബെൽ ,ക്രിസ്റ്റൽ. ഇംഗ്ലണ്ടിലെ യോർക്കിൽ നിന്നും കഴിഞ്ഞ പത്തുവർഷമായി ഓസ്‌ടേലിയയിലെ ടൗൺസ്‌വിലയിൽ  താമസിക്കുന്ന കുര്യാക്കോസ് ടൗൺസിവില്ലയിലെ ആദ്യത്തെ ക്നാനായ കമ്മ്യൂണിറ്റിയുടെ സ്‌ഥാപക സെക്രട്ടറിയാണ് .അതോടൊപ്പം കെ സി സി ഓ രൂപീകരിക്കുന്ന സമയത്തു നടന്ന ടെലി കോൺഫെറൻസുകളിൽ പങ്കാളിത്തം വഹിച്ചിട്ടുണ്ട് .

ജസ്റ്റിൻ ജോസ് കാട്ടാത്ത്

രണ്ടാമത് എത്തിയ ജസ്റ്റിൻ ജോസ് കാട്ടാത്ത്  കുറുമുള്ളൂർ സെന്റ് സ്റ്റീഫൻസ് ഇടവകാംഗമാണ് .ഭാര്യ എൽബി പിറവം കുഞ്ഞുമാട്ടിൽ കുടുബാംഗമാണ് .മുന്ന് മക്കൾ ജോയൽ ,അൻസാ മരിയ ,എബെൽ ആദ്യകാല യു കെ മലയാളിയായ ജസ്റ്റിൻ യൂറോപ്പിലെ ഏറ്റവും വലിയ പ്രവാസി സംഘടനയായ യു കെ കെ സി എ യുടെ സ്‌ഥാപക നേതാക്കളിലൊരാളാണ് . ഇംഗ്ളണ്ടിൽ നിന്നും കുടിയേറിയ ജസ്റ്റിൻ  കഴിഞ്ഞ നാല് വർഷങ്ങളായി  കുടുബസമേതം  ഓസ്‌ട്രേലിയായിലെ ബ്രിസ്‌ബെയിനിലും ഇപ്പോൾ  ക്യാൻബർറെയിലും   താമസിക്കുന്നു.

 



Latest

Copyrights@2016.