latest

KCC ഷാര്‍ജ ഓണാഘോഷം ഉജ്വലമായി

Saju Kannampally  ,  2017-10-11 09:23:16pmm റിപ്പോര്‍ട്ട്: ഷിബു സ്റ്റീഫന്‍ കിഴക്കേപനന്താനത്

 

KCC ഷാര്‍ജയുടെ നേതൃത്വത്തില്‍ 20-) മത് ഓണാഘോഷം EZRA ക്നാനായ സിറ്റിക്കൊപ്പം 29/09/2017 വെള്ളിയാഴ്ച ക്രൌണ്‍ പാലസ് ഹോട്ടല്‍, അജ്മാനില്‍വച്ച് വിവിധ പരിപാടികളോടെ നടത്തപ്പെടുകയുണ്ടായി. ദിവംഗതനായ കുര്യാക്കോസ്‌ കുന്നശ്ശേരി വലിയ പിതാവിന്‍റെ അനുസ്മരണത്തോടെ ആരംഭിച്ച പൊതുസമ്മേളനത്തിന് ഷാര്‍ജ കുടുംബനാഥന്‍ ശ്രീ ഷിബു സ്റ്റീഫന്‍ കിഴക്കേപനന്താനത്ത് അദ്ധ്യക്ഷത വഹിച്ചു. കുടുംബയോഗം സെക്രട്ടറി ശ്രീ അബി കാക്കനംകാട്ടില്‍ ജോണ്‍ എല്ലാവരെയും സ്വാഗതം ചെയ്തു. KCC UAE ചെയര്‍മാന്‍ ശ്രീ വിന്‍സന്‍റെ വലിയവീട്ടില്‍ മുഖ്യ അതിഥിയായിരുന്നു. അദ്ദേഹത്തിന്‍റെ ഉദ്ഘാടന പ്രസംഗത്തില്‍ നമ്മുടെ സമുദായം ഇന്ന് നേരിടുന്ന പ്രധാന വെല്ലുവിളികളെക്കുറിച്ച് വിവരിക്കുകയുണ്ടായി.

തുടര്‍ന്ന് കഴിഞ്ഞ അദ്ധ്യയന വര്‍ഷം 10th & 12th ല്‍ ഉന്നത വിജയം കരസ്ഥമാക്കിയ കുട്ടികള്‍ക്ക് കുടുംബനാഥന്‍ ട്രോഫി വിതരണം ചെയ്തു. ഈ വര്‍ഷം Grandparents ആയവര്‍ക്ക് മോമെന്ടോ നല്‍കി ആദരിച്ചു.

ശേഷം തിരുവാതിരയിലൂടെ ആരംഭിച്ച വിവിധ കലാപരിപാടികളില്‍ പ്രായഭേദമന്യേ മുഴുവന്‍ കലാകാരന്മാരും പങ്കെടുത്തു. കുടുംബംഗങ്ങള്‍ നടത്തിയ ചെണ്ടമേളത്തിന്‍റെയും താലപ്പൊലിയുടെയും അകമ്പടിയോടെ മാവേലിയെ എതിരേറ്റു. പ്രോഗ്രാം കോര്‍ഡിനേറ്ററുമ്മാരായ ശ്രീ ജോര്‍ലിന്‍ തോമസ്‌ ആനക്കല്ലാമലയില്‍ ശ്രീമതി ലീനാ ജോസഫ്‌ കുന്നശ്ശേരി എന്നിവരോടൊപ്പം ശ്രീ ഷിജോ കുര്യന്‍ ഓലിക്കുന്നേല്‍, ശ്രീമതി അനു സ്റ്റീഫന്‍ കിഴക്കേപനന്താനത്ത് കൂടി കൈകോര്‍ത്തപ്പോള്‍ എല്ലാ പരിപാടികളും ഉന്നത നിലവാരം പുലര്‍ത്തി.

തൂശന്‍ ഇലയില്‍ വിളമ്പിയ ഓണസദ്യകൂടിയായപ്പോള്‍ ജീവിതത്തിലെ മറക്കാനാവാത്ത തിരുവോണനാളുകളില്‍ ഒന്നായി 350 തോളം വരുന്ന ജനഹൃദയങ്ങളില്‍ ആലേഖനം ചെയ്യപ്പെട്ടു. ഷാരോണ്‍ സജി, റൂത്ത് ഷാജി, ഏബല്‍ സജി എന്നിവരുടെ പ്രോഗ്രാമിന്‍റെ അവതരണ ശൈലി വ്യത്യസ്ഥത നിറഞ്ഞതായിരുന്നു. പ്രോഗ്രാം കോര്‍ഡിനേറ്റര്‍ ശ്രീ ജോര്‍ലിന്‍ തോമസ്‌ എല്ലാവര്‍ക്കും നന്ദിയും പറഞ്ഞു.

മാവേലി തമ്പുരാന്‍റെ നല്ലകാലത്തെ അനുസ്മരിപ്പിക്കും വിധം അത്യുഗ്രമായ ഒരു ഓണാഘോഷത്തില്‍ കൂടി ഷാര്‍ജ കുടുംബയോഗം പങ്കാളികളായി.

എസ്രാ ക്നാനായ സിറ്റി മുഖ്യ പ്രായോജകര്‍ ആയിരുന്നു.

 

 



Latest

Copyrights@2016.