latest

കടുത്ത തീരുമാനങ്ങൾ എടുക്കേണ്ട സമയമായിരിക്കുന്നു, | DKCC

Saju Kannampally  ,  2018-01-20 12:35:13pmm

ഡയസ്പൊറ ക്നാനായ കാത്തോലിക് കോൺഗ്രസ് ( DKCC ) 2018 ജനുവരി 20 ആം തീയതി അതിന്റെ അംഗ സംഘടനകളായ കെ സി സി നോർത്ത് അമേരിക്ക ( KCCNA ), കെ സി സി ഓഷ്യാനിയ ( KCCO ), കെ സി സി മിഡിൽ ഈസ്റ്റ് ( KCCME ),കെ സി സി യൂറോപ്പ് ( KCCE ) തുടങ്ങിയ സംഘടന നേതാക്കളുമായി നടത്തിയ അടിയന്തിര എക്സികുട്ടീവ് മീറ്റിങ്ങിന്റെ തീരുമാനങ്ങൾ :


17 നൂറ്റാണ്ടുകൾക്കു മേലേയായി ലോക ക്നാനായ സമൂഹം തങ്ങളുടെ കണ്ണിലെ കൃഷ്ണമണി പോലെ കാത്ത് സൂക്ഷിച്ചു വരുന്ന ക്നാനായ പൈതൃകത്തിനും പാരമ്പര്യത്തിനും അതിന്റെ അടിസ്ഥാനമായ സ്വവംശ വിവാഹ നിഷ്ഠക്കും കോട്ടം വരുത്തി ക്നാനായ പള്ളികളിൽ ക്നാനായക്കാരല്ലാത്തവർക്കും അംഗത്വം കൊടുക്കണമെന്ന ഓറിയന്റൽ കോൺഗ്രഗേഷന്റെ ഉത്തരവു പൂർണമായും തള്ളിക്കളയണമെന്ന് ഡി കെ സി സി 2018 ജനുവരി 20 ആം തീയതി കൂടിയ അടിയന്തിര എക്സികുട്ടീവ് യോഗം കോട്ടയം അതിരൂപത അധികാരികളോട് ആവശ്യപ്പെട്ടു. നാളിതുവരെയായുള്ള അവഗണനകൾ ഇന്ന് സമുദായത്തിന്റെ കടക്കൽ കത്തിവെക്കുന്ന തലത്തിലേക്ക് വളർന്ന സാഹചര്യത്തിൽ കേരള കത്തോലിക്ക ബിഷപ് കൗൺസിൽ, ഓൾ ഇന്ത്യ കാത്തോലിക് ബിഷപ് കൌൺസിൽ തുടങ്ങിയവയിൽ നിന്നും നമ്മുടെ പിതാക്കന്മാർ നമുക്കനുകൂലമായ സമീപനം ഉണ്ടാകുന്നതു വരെ മാറിനിൽക്കണമെന്നും ഡി കെ സി സി എക്സികുട്ടീവ് അഭ്യർത്ഥിച്ചു.1911 ഇൽ നമുക്കനുവദിച്ചു കിട്ടിയ സാമുദായിക അംഗീകാരം അതിർത്തികളില്ലാതെ ലോകം മുഴുവനും നമുക്ക് ലഭിച്ചേ തീരൂ. ഈ ജീവൻ മരണ പോരാട്ടത്തിൽ സമുദായത്തിനൊപ്പം കൂടെയുണ്ടാകുമെന്നു കോട്ടയം രൂപത നേതൃത്വം പരസ്യമായി വ്യക്തമാക്കിയേ തീരൂ. അതോടൊപ്പം കോട്ടയം അതിരൂപതയുടെ ആസ്ഥാനമന്ദിരത്തും , വെബ്സൈറ്റിലും , ലെറ്റർപാഡിലും അപ്രത്യക്ഷമായ " ക്നാനായ " എന്ന പദം അടിയന്തിരമായി തിരികെ കൊണ്ടുവരണമെന്നും KCCNA , KCCE , KCCME , KCCO ഭാരവാഹികൾ പങ്കെടുത്ത ഉന്നതതല യോഗം ആവശ്യപ്പെട്ടു. അല്ലാത്ത പക്ഷം കെ സി സി അടക്കം ഉള്ള ലോക ക്നാനായ സംഘടനകളെ ഒരുമിച്ച് നിർത്തി, അവരോടു തോൾ ചേർന്ന് ക്നാനായ സമുദായ സംരക്ഷണത്തിനായി വലിയ തോതിലുള്ള പ്രത്യക്ഷ പ്രക്ഷോഭ പരിപാടികൾ സംഘടിപ്പിക്കാനും ഡി കെ സി സി നേതൃത്വയോഗും തീരുമാനിച്ചു. ഓറിയന്റൽ കോൺഗ്രിഗേഷന്റെ ഈ ഉത്തരവ് സമുദായങ്ങൾക്ക് കാണുന്നതിനായി പരസ്യപ്പെടുത്തണമെന്നും ,സഭയും സമുദായവും ഈ നിർണായക ഘട്ടത്തിൽ ഒറ്റക്കെട്ടായി ഒരേ മനസ്സോടെ പ്രവർത്തിക്കണമെന്നും, സമുദായത്തിന്റെ പാരമ്പര്യത്തിനും പൈത്രകത്തിനും കോട്ടം വരുത്തുവാൻ ഒരു ശക്തികളെയും അനുവദിക്കുകയില്ല എന്നും ഡി കെ സി സി പ്രസിഡന്റ് ബിനു തുരുത്തിയിൽ, സെക്രട്ടറി വിനോദ് മാണി , വൈസ് പ്രസിഡന്റ് സാജു കണ്ണമ്പള്ളി , ജോയിന്റ് സെക്രട്ടറി വിൻസെന്റ് വലിയവീട്ടിൽ, ട്രെഷറർ മനോജ് താനത്ത് , കെസിസിഎൻ എ പ്രസിഡന്റ് ബേബി മണകുന്നേൽ , കെ സി സി ഓ പ്രസിഡന്റ് ഡെന്നിസ് കുടിലിൽ , കെ സി സി ഇ പ്രസിഡന്റ് ജോയിസ് മോൻ , കെ സി സി എം ഇ പ്രസിഡന്റ് ടോമി സൈമൺ തുടങ്ങിയവർ സംയുക്ത പ്രസ്താവനയിൽ അറിയിച്ചു.



Latest

Copyrights@2016.