europe

യുവജനങ്ങള്‍ക്കുവേണ്ടിയുള്ള മെത്രാന്‍ സിനഡില്‍ സംബന്ധിക്കുന്നത്‌ 346 പേര്‍.

Tiju Kannampally  ,  2018-10-06 03:48:57amm

റോം: യുവജനങ്ങള്‍ക്കുവേണ്ടിയുള്ള 15-ാമത്‌ മെത്രാന്‍ സിനഡില്‍ സംബന്ധിക്കുന്നത്‌ 346 പേര്‍. ഇതില്‍ 264 ബിഷപ്പുമാരെ കൂടാതെ വൈദികരുടെയും സന്യസ്‌തരുടെയും യുവജനങ്ങളുടെയും പ്രതിനിധികള്‍ ഉള്‍പ്പെടുന്നു. യുവജനങ്ങളുടെ പ്രതിനിധികള്‍ 34 പേരാണ്‌. പോള്‍ ആറാമന്‍ ഹാളില്‍ നടക്കുന്ന സിനഡില്‍ ഫ്രാന്‍സിസ്‌ മാര്‍പാപ്പ മുഴുവന്‍ സമയവും സംബന്ധിച്ചുവരുന്നു. വിഷയ അവതരണ രേഖയിലുള്ള ഏതെങ്കിലും വിഷയത്തെ സംബന്ധിച്ച്‌ ഓരോ സിനഡ്‌ പിതാക്കന്മാര്‍ക്കും നാല്‌ മിനിറ്റ്‌ സമയം അവതരണം നടത്താനുള്ള അവസരമുണ്ട്‌. ഇംഗ്ലീഷ്‌ ഉള്‍പ്പെടെയുള്ള പ്രധാന ഭാഷകളില്‍ കേള്‍ക്കുന്നതിനുമുള്ള സംവിധാനവും ഒരുക്കിയിട്ടുണ്ട്‌. ഭാഷാ അടിസ്ഥാനത്തിലുള്ള ചെറിയ ഗ്രൂപ്പ്‌ ചര്‍ച്ചകളും യുജവനങ്ങളോടൊത്തുള്ള സംവാദങ്ങളും നടക്കുന്നു.യുവജനങ്ങള്‍ വിശ്വാസവും വിളിയും സംബന്ധമായ വിവേചിച്ചറിയലും എന്ന വിഷയത്തിന്മേലാണ്‌ ഈ മാസം 28 വരെ സിനഡ്‌ നടക്കുന്നത്‌. ഇന്‍ഡ്യയില്‍ നിന്ന്‌ ഒന്‍പത്‌ അംഗപിതാക്കന്മാരുടെ സംഘമാണ്‌ സിനഡില്‍ സംബന്ധിക്കുന്നത്‌. കര്‍ദ്ദിനാള്‍ മാര്‍ ജോര്‍ജ്‌ ആലഞ്ചേരി, മാര്‍ ജോസഫ്‌ പണ്ടാരശ്ശേരില്‍, മാര്‍ ജോസഫ്‌ പാംബ്ലാനി തുടങ്ങിയവരാണ്‌ സീറോ മലബാര്‍ സഭയില്‍ നിന്ന്‌ സംബന്ധിക്കുന്ന പിതാക്കന്മാര്‍.



Latest

Copyrights@2016.