india

കെ.സി.വൈ.എല്‍ സുവര്‍ണ്ണജൂബിലി ഉദ്ഘാടനം നവംബര്‍ 18 ന് കല്ലറ പഴയപളളിയില്‍ Live Telecast Available.

Tiju Kannampally  ,  2018-11-16 06:58:59amm

കോട്ടയം; 1969 നവംബര്‍ മാസം 16-ാംതീയതി അഭി.മാര്‍ തോമസ് തറയില്‍ പിതാവിനാല്‍ സ്ഥാപിതമായ കോട്ടയം അതിരൂപതയിലെ യുവജന സംഘടനയായ കെ.സി.വൈ.എല്‍ സുവര്‍ണ്ണജൂബിലി പ്രവേശനോത്ഘാടനം 2018 നവംബര്‍ 18 ഞായറാഴ്ച കല്ലറ സെന്റ് തോമസ് ക്‌നാനായ പഴയപളളിയില്‍ വച്ച് നടത്തപ്പെടുന്നു. ഞായറാഴ്ച 2.30ന് കല്ലറ വി.കൊച്ചുത്രേസ്യാ കപ്പേളയില്‍ നിന്ന് 1000-ലധികം യുവജനങ്ങളെ അണിനിരത്തിയുളള സുവര്‍ണ്ണജൂബിലി ദീപശിഖാ റാലി സമ്മേളന നഗറില്‍ എത്തിച്ചേരും.തുടര്‍ന്നു നടക്കുന്ന പൊതുസമ്മേളനത്തില്‍ കോട്ടയം അതിരൂപത മെത്രാപ്പോലീത്ത മാര്‍ മാത്യു മൂലക്കാട്ട് സുവര്‍ണ്ണജൂബിലി ഉദ്ഘാടനം ചെയ്യും.തദവസരത്തില്‍ മുന്‍ സുപ്രീംകോടതി ജഡ്ജി ജസ്റ്റിസ് സിറിയക് ജോസഫ് മുഖ്യപ്രഭാഷണം നടത്തും.സമ്മേളനത്തില്‍ നിരവധി വിശിഷ്ട വ്യക്തികള്‍ പങ്കെടുക്കുന്നു.സമ്മേളനത്തെ തുടര്‍ന്ന് ഏവരെയും ത്രസിപ്പിക്കുന്ന മ്യൂസിക്കല്‍ പ്രോഗ്രാം സംഘാടകര്‍ യുവജനങ്ങള്‍ക്കായി ഒരുക്കുന്നു.ജൂബിലി ഉദ്ഘാടന മാമാങ്കത്തിലേക്ക് എല്ലായുവജനങ്ങളേയും സ്വാഗതം ചെയ്യുന്നതായി ഭാരവാഹികള്‍ അറിയിക്കുന്നു.



Latest

Copyrights@2016.