india

ഫാ. ലൂക്ക് കട്ടപ്പുറം- ഫാ. ജേക്കബ് മുടക്കാലില്‍ എന്നിവരുടെ അനുസ്മരണം നടത്തി

Tiju Kannampally  ,  2018-02-17 12:51:17amm

കള്ളാര്‍: രാജപുരം ക്നാനായ സംഘടിത കുടിയേറ്റത്തിന് പാതയൊരുക്കിയ 1943-ലെ വന്ദ്യ വൈദികരായ ഫാ.ലൂക്ക് കട്ടപ്പുറം ഒ.എസ്.എച്ച്, ഫാ. ജേക്കബ് മുടക്കാലില്‍ ഒ.എസ്.എച്ച് എന്നിവരുടെ അനുസ്മരണം നടന്നു. 1943 ഫെബ്രുവരി 4-ാം തിയതി രാജപുരത്ത് എത്തിചേര്‍ന്ന 72 ക്നാനായ കുടുംബങ്ങള്‍ക്ക് അത്യാവശ്യം വേണ്ടുന്ന സൗകര്യങ്ങള്‍ ഒരുക്കി, കുടിയേറിപ്പാര്‍ക്കുന്നവരെ സ്വീകരിക്കുന്നതിനുവേണ്ടിയും, കുടിയേറ്റ ജനതയുടെ ആദ്യകാല ആത്മീയ ശുശ്രുഷകള്‍ക്കുവേണ്ടിയും അന്നത്തെ കോട്ടയം രൂപതാ മെത്രാനായിരുന്ന മാര്‍ അലക്സാണ്ടര്‍ ചൂളപ്പറമ്പില്‍ പാതാവ് നിയോഗച്ചതാണ് ഈ രണ്ടു വൈദികരേയും. അനുസ്മരണത്തോടനുബന്ധിച്ച് മാര്‍. മാത്യു മൂലക്കാട്ടിന്‍്റെ മുഖ്യകാര്‍മ്മികത്വില്‍ ദിവ്യബലി അര്‍പ്പിച്ചു. സമ്മേളത്തില്‍ തിരുഹ്യദയദാസസമൂഹം സുപ്പിരിയര്‍ ജനറല്‍ ഫാ. കുര്യന്‍ തട്ടാര്‍ക്കുന്നേല്‍ അധ്യക്ഷത വഹിച്ചു. മാര്‍. മാത്യു മൂലക്കാട്ട് മെത്രാപ്പോലീത്ത ഉദ്ഘാടനം ചെയ്തു. തങ്ങളുടെ മക്കള്‍ക്ക് സഭയൊരുക്കുന്ന കരുതലിന്‍്റെ അടയാളമാണ് ഈ രണ്ടു വൈദീകരുടെ ത്യാഗോജ്വല ജിവിതങ്ങളെന്ന് മാര്‍. മൂലക്കാട്ട് അഭിപ്രായപ്പെട്ടു. മാര്‍.ജോസഫ് പണ്ടാരശ്ശേരിയില്‍ അനുഗ്രഹ പ്രഭാഷണം നടത്തി. ഫാ.ജോസഫ് മുളവനാല്‍, ഫാ.ബെന്നി ചേരിയില്‍, മാത്യു പൂഴിക്കാല, ഫാ. ലൂക്ക് പൂതൃക്കയില്‍, ഫാ. റെജി മുട്ടത്തില്‍ എന്നിവര്‍ സംസാരിച്ചു. നിരവധി വൈദികരും സിസ്റ്റേഴ്സും രാജപുരം പനത്തടി ഫൊറോനകളിലെ അല്മായ പ്രതിനിധികളും കട്ടപ്പുറത്തച്ചന്‍്റേയും, മുടക്കാലച്ചന്‍്റേയും കുടുംബാംഗങ്ങളമടങ്ങുന്ന 350 ഓളം പേര്‍ ചടങ്ങില്‍ സംബന്ധിച്ചു. ഫാ.ലൂക്ക് , ഫാ. ജേക്കബ് എന്നിവരുടെ അനുസ്മരണശിലാഫലകവും മാര്‍ മൂലകാട്ട് അനാഛാദനം ചെയ്തു.



Latest

Copyrights@2016.