america

ഹൂസ്റ്റണ്‍ കെ.സി.എസ്‌. 2018 ലെ പ്രവര്‍ത്തനോദ്‌ഘാടനം വര്‍ണാഭമായ തുടക്കം.

Tiju Kannampally  ,  2018-02-28 03:13:11amm

ഹൂസ്റ്റണ്‍: ഹൂസ്റ്റണ്‍ ക്‌നാനായ കാത്തലിക്‌ സൊസൈറ്റിയുടെ 2018 ലെ പ്രവര്‍ത്തനോദ്‌ഘാടനം ഫെബ്രുവരി 17 ന്‌ മിസോറി സിറ്റിയിലുള്ള ക്‌നാനായ കമ്യൂണിറ്റി സെന്ററില്‍ എച്ച്‌.കെ.സി.എസ്‌. പ്രസിഡന്റ്‌ തോമസ്‌ കൊരട്ടിയുടെ അധ്യക്ഷതയില്‍ കൂടിയ യോഗത്തില്‍ സെന്റ്‌ മേരീസ്‌ ക്‌നാനായ കാത്തലിക്‌ ഫൊറോന പള്ളി വികാരിയും, സ്‌പിരിച്വല്‍ ഡയറക്‌ടറുമായ ഫാ. സജി പിണര്‍ക്കയില്‍ നിര്‍വ്വഹിച്ചു. നമ്മള്‍ ഒരുമിച്ചു നിന്നാല്‍ പലതും നേടാന്‍ കഴിയുമെന്നും സഭയുടെയും സമുദായത്തിന്റെയും ഐക്യം നിലനിര്‍ത്തിക്കൊണ്ട്‌ മുമ്പോട്ടുപോകണമെന്ന്‌ ഉദ്‌ഘാടന പ്രസംഗത്തില്‍ ഫാ. സജി പിണര്‍ക്കയില്‍ അഭ്യര്‍ത്ഥിച്ചു. കെ.സി.സി.എന്‍.എ. പ്രസിഡന്റ്‌ ബേബി മണക്കുന്നേല്‍ ആശംസാപ്രസംഗം നടത്തി. എച്ച്‌.കെ.സി.എസ്‌. 2018 ടീമിന്റെ എല്ലാ പ്രവര്‍ത്തനങ്ങള്‍ക്കും വിജയാശംസകള്‍ നേര്‍ന്നു. ജൂലൈ 19 മുതല്‍ 22 വരെ അറ്റ്‌ലാന്റയില്‍ നടക്കുന്ന കെ.സി.സി.എന്‍.എ. കണ്‍വന്‍ഷന്‍ വിജയകരമാക്കാന്‍ എല്ലാവരുടെയും സഹകരണം ആവശ്യപ്പെട്ടു. വൈസ്‌ പ്രസിഡന്റ്‌ ലിന്‍സി കരിമ്പുംകാലായില്‍ സ്വാഗതം ആശംസിച്ചു. സെക്രട്ടറി സിറിള്‍ തൈപ്പറമ്പില്‍, ട്രഷറര്‍ ജോസ്‌ നെടുമാക്കല്‍ പരിപാടികള്‍ക്ക്‌ നേതൃത്വം നല്‍കി. ജോയിന്റ്‌ സെക്രട്ടറി റെജി പെരുമനത്തേട്ട്‌ നന്ദിപറഞ്ഞു. എച്ച്‌.കെ.സി.എസിന്റെ പോഷകസംഘടനകളായ കിഡ്‌സ്‌ ക്ലബ്‌, കെ.സി.വൈ.എല്‍, വിമന്‍സ്‌ ഫോറം ബയോള്‍ മുതലായ സംഘടനകളുടെ വര്‍ണ്ണോജ്വലമായ കലാപാടിയും ജോബി കിടാരം & ടീമിന്റെ സംഗീത സന്ധ്യയും ചടങ്ങിന്‌ മോടിപിടിപ്പിച്ചു. റോജര്‍ നെല്ലാമറ്റം, ജിറ്റി അജീഷ്‌ പുതുക്കേരില്‍ എന്നിവര്‍ കലാപരിപാടികളുടെ അവതാരകരായിരുന്നു. 



Latest

Copyrights@2016.