india

രക്ത ദാന ക്യാമ്പ് നടത്തി

Tiju Kannampally  ,  2018-04-23 11:53:17pmm

കരിങ്കുന്നം: കരിങ്കുന്നം സെന്റ്. അഗസ്റ്റ്യന്‍സ് ചര്‍ച്ച് കെ. സി. വൈ. എല്‍ യൂണിറ്റിന്റെയും കരിങ്കുന്നം ജെ.സി.ഐ യുടെയും സംയുക്ത ആഭിമുഖ്യത്തില്‍ രക്ത ഗ്രൂപ്പ് നിര്‍ണയവും രക്തദാന ക്യാമ്പും നടത്തി. തെടുപുഴ IMA ബ്ലഡ് ബാങ്കിന്റെ സഹകരണത്തോടു കൂടി നടത്തിയ രക്ത ദാന ക്യാമ്പിന്റെ ഔദ്യോഗിക സമ്മേളത്തില്‍ കരിങ്കുന്നം സെന്റ്. അഗസ്റ്റ്യന്‍സ് പള്ളി വികാരി ബഹുമാനപ്പെട്ട റെവ.ഫാ.തോമസ് കരിമ്പും കാലായില്‍ അദ്ധ്യക്ഷത വഹിക്കുകയും ജെ.സി.ഐ പ്രസിഡന്റ് ശ്രീ. ബെന്നി അലക്‌സ് ഉദ്ഘാടനം നിര്‍വ്വഹിക്കുകയും ചെയ്തു. കരിങ്കുന്നം കെ.സി.വൈ.എല്‍ പ്രസിഡന്റ് ശ്രീ.സ്റ്റെബിന്‍ കാവനാല്‍, യൂണിറ്റ് ഡയറക്ടര്‍ ശ്രീ ബാബു ചെള്ളാനി,ഐ.എം.എ സെക്രട്ടറി ഡോ.സോണി തോമസ് തുടങ്ങിയവര്‍ സംസാരിച്ചു. നൂറോളം ഇടവക ജനങ്ങളും യുവജനങ്ങളും പങ്കെടുത്ത ഈ ക്യാമ്പില്‍ ഇടവകയിലെ സ്ത്രീ ജനങ്ങളുടെയും ഇടവകക്കു പുറത്തു നിന്നുള്ളവരുടെയും പങ്കാളിത്തം വളരെ പ്രശംസനീയമായിരുന്നു.ഫാ.തോമസ് കരിമ്പുംകാലായില്‍, ഫാ.ബിബിന്‍ ചക്കുങ്കല്‍, സി.ഡാലിയ SVM, ശ്രീ. ബാബു ചൊള്ളാനി, ശ്രീ.ബെന്നി അലക്‌സ്, ശ്രീ.സ്റ്റെബിന്‍ കാവനാല്‍ തുടങ്ങിയവര്‍ ക്യാമ്പിന് നേതൃത്വം നല്‍കി.



Latest

Copyrights@2016.