gulf

ഖത്തര്‍ കെ.സി.വൈ.എല്‍ CATALYST 2K18 വിപുലമായി നടത്തി.

Tiju Kannampally  ,  2018-04-30 03:06:16amm

ദോഹ ; ഖത്തര്‍ കെ.സി.വൈ.എല്‍ ന്റെ 2018 ലെ പ്രവര്‍ത്തനോദ്ഘാടനമായ CATALYST 2K18 വിപുലമായ പരിപാടികളോടെ നടത്തി. ഇന്‍ഡ്യന്‍ കള്‍ച്ചറല്‍ സെന്ററില്‍ നടന്ന സമ്മേളനത്തില്‍ ഖത്തറിലെ എല്ലാ ക്‌നാനായ യുവജനങ്ങലളും പങ്കെടുത്തു. QKCYL പ്രസിഡന്റ് ടോം ബേബിയുടെ അദ്ധ്യക്ഷതയില്‍ ചേര്‍ന്ന യോഗത്തില്‍ QKCA  പ്രസിഡന്റ് ബിജു കെ. സ്റ്റീഫന്‍ ഉദ്ഘാചനം നിര്‍വഹിച്ചു. QKCA ജനറല്‍ സെക്രട്ടറി ബൈജു പി.മൈക്കിള്‍ ,പയസ്‌ടെന്റ് കുടുംബയൂണിറ്റ് പ്രസിഡന്റ് സജി ജോസഫ് എന്നിവര്‍ ആശംസകള്‍ അര്‍പ്പിച്ചു. ഷോണിമോന്‍ സണ്ണി സ്വാഗതവും ഇമ്മാനുവല്‍ കൃതജ്ഞതയും പറഞ്ഞു. QKCA കള്‍ച്ചറല്‍ സെക്രട്ടറി  ജിജ്ജോയ് ജോര്‍ജ്ജ് "ക്‌നാനായസമുദായ ചരിത്രവും ആചാരങ്ങളും " എന്ന വിഷയത്തില്‍ ക്ലാസ് നയിച്ചു. കോട്ടയം ACT റിസോഴ്‌സ് ടിം കോഓര്‍ഡിനേറ്റര്‍ അജീഷ് അബ്രാഹത്തിന്റെ നേതൃത്വത്തില്‍ ഗ്രൂപ്പ് ചര്‍ച്ചയും വിനോദപരിപാടികളും നടന്നു. QKCYL അംഗങ്ങളായിരുന്ന ദമ്പതികളുടെ സംഗമം നടത്തുകയും അവരെ ആദരിക്കുകയും ചെയ്തു. ഈ വര്‍ഷത്തെ പ്രവര്‍ത്തനാരംഭത്തിന്റെ ഭാഗമായി കോട്ടയം നവജീവന്‍ ട്രസ്റ്റിലെ അന്തേവാസികള്‍ക്ക് ഒരു നേരത്തെ ഭക്ഷണം നല്‍കാന്‍ തിരുമാനിച്ചു. QKCYL സംഘടിപ്പിച്ച ആപ്തവാക്യ മത്സരത്തില്‍ സമ്മാനര്‍ഹമായ " ക്‌നാനായ പ്രഭ ചൊരിയും ഖത്തറില്‍ പ്രവാസ യുവരക്തം നമ്മള്‍ " എന്ന  ആപ്തവാക്യം രജിച്ച നീതു ജെയിംസിന് സമ്മാനം നല്‍കി. പരിപാടികള്‍ക്ക്  ടോം ബേബി, ഐബി ബാബു , ഇമ്മാനുവല്‍ അബ്രാഹം, എമില്‍ ജെ.മാത്യു, ഷോണിമോന്‍ സണ്ണി എന്നിവര്‍ നേതൃത്വം നല്‍കി.



Latest

Copyrights@2016.