india

നേതൃത്വ പരിശീലന കളരി SPERANZA മലങ്കര ഫൊറോനയിൽ പ്രൗഢഗംഭീരമായി നടത്തപ്പെട്ടു

Clintis Thekumkattil  ,  2018-06-17 01:28:55pmm

കല്ലിശേരി: കെ.സി.വൈ.എൽ.അതിരൂപത സമിതിയും മലങ്കര ഫൊറോന സമിതിയും സംയുക്തമായി സംഘടിപ്പിച്ച #Speranza# നേതൃത്വപരിശീലന കളരി ജൂൺ 15 രാവിലെ 9 ന് ആരംഭിച്ചു. കെ.സി.വൈ.എൽ അതിരൂപത പ്രസിഡന്റ്‌ ശ്രി ബിബീഷ് ഓലിക്കമുറിയിൽന്റെ അധ്യക്ഷതയിൽ ചേർന്ന യോഗം ചെങ്ങന്നൂരിന്റെ ആദരണീയനായ എം.ൽ എ ശ്രി. സജി ചെറിയാൻ ഉദ്ഘടാനം ചെയ്തു. മലങ്കര ഫൊറോന പ്രസിഡന്റ്‌ ശ്രി അനിറ്റ് ചാക്കോ സ്വാഗതം ആശംസിച്ചു. മലങ്കര ഫൊറോന കെ സി വൈ എൽ ചാപ്ലയിൻ ഫാ. ജോർജ് കുരിശുമൂട്ടിൽ, കല്ലിശേരി യൂണിറ്റ് ചാപ്ലയിൻ ഫാ. മാത്യു പതിയിൽ, ഫാ. സതീഷ് രാമച്ചനാട്ട്, അതിരൂപത സി. അഡ്വൈസർ സി. ലേഖ SJC,ഡയറക്ടർ ശ്രി ഷെല്ലി ആലപ്പാട്ട്‌, സെക്രട്ടറി ശ്രി റ്റിജിൻ ചേന്നാത്ത്‌, ജോയിന്റ് സെക്രട്ടറി ജിസ്മി മണക്കാട്ട്, റോബിൻ കുരുവിള തുടങ്ങിയവർ സംസാരിച്ചു. യോഗത്തിൽ വെച്ച് പത്തിലും പ്ലസ് ടു പരീക്ഷയിലും ഉന്നതവിജയം നേടിയ മലങ്കരയിലെ യുവാക്കളെ എം.ൽ.എ ആദരിച്ചു. യോഗത്തിൽ പങ്കെടുത്തവർക്ക് ശ്രി. മെൽവിൻ ബിജു നന്ദി അർപ്പിച്ചു.നേതൃത്വപരിശീലനം എന്ന വിഷയത്തെ ആസ്പദമാക്കി ശ്രീ.സേവ്യർ ദാസ് നയിച്ച ക്ലാസ്സ്‌ യുവജനങ്ങൾക്ക്‌ പുത്തൻ കാഴ്ച്ചപ്പാടുകൾ പ്രദാനം ചെയ്തു.ഫാ ജിൻസ് നെല്ലിക്കാട്ടിൽ എടുത്ത ക്നാനായ സമുദായ ക്ലാസ്സ്‌ യുവാക്കളിൽ സമുദായബോധം ഊട്ടി ഉറപ്പിക്കാൻ കാരണമായി. രാത്രിയിൽ സന്ഡ്യാപ്രാർത്ഥനയും, ക്യാമ്പ് ഫയറും നടത്തപെട്ടു. മലങ്കരയിലെ വലിയൊരു വിഭാഗം യുവജനങ്ങളുടെ സജീവ പങ്കആളിത്തത്തോടെ സംഘടിപ്പിക്കപ്പെട്ട ക്യാമ്പ് വൻ വിജയമായിരുനെന്നും, ഉപകാരപ്രദമായിരുനന്നും യുവാക്കൾ വിലയിരുത്തി. ക്യാമ്പിൽ ഉടനീളം കല്ലിശേരി യൂണിറ്റും , മലങ്കര ഫൊറോനാ സമിതിയും നിറസാന്നിധ്യമായി നിലകൊണ്ടു. ക്യാമ്പിനോട് സഹകരിച്ച മലങ്കര ഫൊറോനയിലെ എല്ലാ യൂണിറ്റ് ഭാരവാഹികൾക്കും നന്ദി പറയുന്നു. യുവജനങ്ങൾക്ക് വളരെയധികം ഉപകാരപ്രദമായി തീർന്ന ഈ ക്യാമ്പ്‌ കല്ലിശേരി യൂണിറ്റിൽ വച്ച് നടത്താൻ വേണ്ട സഹായ സഹകരണങ്ങൾ നൽകിയ KCYL കല്ലിശേരി യൂണിറ്റിനും മലങ്കര ഫൊറോനാ സമിതിക്കും പ്രത്യേകം നന്ദി കെ സി വൈ എൽ അതിരൂപതസമിതി അറിയിച്ചു.



Latest

Copyrights@2016.